Football
സൗദി പ്രോ ലീഗില്‍ സൂപ്പര്‍ താരം ക്രിസ്റ്റ്യാനോ റൊണാള്‍ഡോയുടെ അല്‍ നസറിന് പരാജയം. അല്‍ ഖദിസിയയ്‌ക്കെതിരെ നടന്ന മത്സരത്തില്‍ ഒന്നിനെതിരെ രണ്ട് ഗോളുകള്‍ക്കാണ് അല്‍ നസര്‍ അടിയറവ് പറഞ്ഞത്. അല്‍ നസറിന് വേണ്ടി റൊണാള്‍ഡോയാണ് ഗോളടിച്ചത്.
⌛️ || Full time,@AlNassrFC 1:2 #AlQadisiyah pic.twitter.com/sC3OZHlxoZ
സ്വന്തം തട്ടകത്തില്‍ നടന്ന മത്സരത്തില്‍ അല്‍ നസറാണ് ആദ്യം മുന്നിലെത്തിയത്. 32-ാം മിനിറ്റില്‍ ക്രിസ്റ്റ്യാനോ റൊണാള്‍ഡോ ആതിഥേയര്‍ക്ക് ലീഡ് സമ്മാനിച്ചു. എന്നാല്‍ അഞ്ച് മിനിറ്റുകള്‍ക്കുള്ളില്‍ അല്‍ ഖദിസിയ തിരിച്ചടിച്ചു. 37-ാം മിനിറ്റില്‍ ജൂലിയന്‍ ക്വിനോണ്‍സാണ് ഖദിസിയയുടെ സമനില ഗോള്‍ കണ്ടെത്തിയത്.
രണ്ടാം പകുതിയുടെ തുടക്കത്തില്‍ തന്നെ റൊണാള്‍ഡോയെയും സംഘത്തെയും ഞെട്ടിച്ച് ഖദിസിയ ലീഡെടുത്തു. 50-ാം മിനിറ്റില്‍ പിയറി എമെറിക്ക് നേടിയ ഗോളില്‍ ഖദിസിയ വിജയമുറപ്പിച്ചു.
Content Highlights: Saudi Pro League: Al-Qadisiyah beats Cristiano Ronaldo's Al-Nassr